Khmer
English
Chinese
Frence
Vietnamese
Thai
កងរាជអាវុធហត្ថខេត្ដព្រះសីហនុឃាត់ជនបរទេស២នាក់សង្ស័យប្រើនិងលក់ថ្នាំញៀន
ដោយ ៖ ឆ្លាមសមុទ្រ ថ្ងៃទី 16 មិថុនា 2012ម៉ោង 16:58:16
ខេត្តព្រះសីហនុ ៖ ជនបរទេស២នាក់ត្រូវកម្លាំងកងរាជអាវុធហត្ថខេត្ដព្រះសីហនុឃាត់ខ្លួននៅម៉ោង១២ ថ្ងៃទី១៦ ខែមិថុនា ឆ្នាំ២០១២ ហើយបានរកឃើញនៅក្នុងបន្ទប់ផ្ទះជួល មានថ្នាំញៀនមួយចំនួន ព្រមទាំងសម្ភារៈជក់ផងដែរ ។
មេបញ្ជាការរងកងរាជអាវុធហត្ថខេត្ដព្រះសីហនុ លោកកែវ សុផល បានដឹកនាំការបង្ក្រាបខាងលើនេះឱ្យដឹងថា ជនបរទេសត្រូវបានឃាត់ខ្លួន ១-ឈ្មោះ រ៉ូមែន រ៉ូវ៉ាគី ភេទប្រុស អាយុ២៩ឆ្នាំ ជនជាតិបារាំង និងទី២-ឈ្មោះជុស ខនណឺ ភេទប្រុស អាយុ៥៦ឆ្នាំ ជាជនជាតិណ័រវេរ បច្ចុប្បន្នអ្នកទាំងពីរស្នាក់នៅចំណុចកើតហេតុ ក្នុងឋានៈភ្ញៀវទេសចររយៈពេលយូរ ។ លោកបានឱ្យដឹងទៀតថា ជាមួយការឃាត់ខ្លួន សមត្ថកិច្ចបានរកឃើញម៉ាទឹកកកទម្ងន់១០.៤១ គីឡូក្រាម និងថ្នាំញៀនគ្រាប់ពណ៌ផ្កាឈូកចំនួន៦០គ្រាប់កន្លះ កញ្ឆាចំនួន៨. ៣៧ក្រាម ជាមួយគ្នានោះ បានរកឃើញជ័រពណ៌ខ្មៅចំនួន៣ដុំ អាចម៍កញ្ឆាហើយ បានដកហូតប្រាក់ដុល្លារ១១០ដុល្លារ និងប្រាក់រៀល២ម៉ឺនរៀល ។ ក្រៅពីវត្ថុតាង ខាងលើនេះសមត្ថកិច្ចបានរកឃើញ សម្ភារៈ និងប្រដាប់ប្រដារជក់មួយចំនួនទៀតនៅក្នុងបន្ទប់ ។
គួរបញ្ជាក់ថា ប្រតិបត្ដិការបង្ក្រាប ខាងលើនេះដែរ មានការចូលរួមពីព្រះ រាជអាជ្ញារងនៃសាលាដំបូងខេត្ដព្រះ សីហនុ លោក រាម ចន្ធី ហើយក្រោយ ពេលបង្ក្រាប ជ័រពណ៌ខ្មៅដែលគេសង្ស័យ ជាអាចម៍កញ្ឆាផង និងអាភៀនផងនោះ ត្រូវបានបញ្ជូនទៅឱ្យក្រុមជំនាញពិសោធន៍ មើលថាតើវាជាថ្នាំញៀនប្របាកដឬយ៉ាងណា?
តាមប្រភពព័ត៌មានពីមន្ដ្រីកងរាជអាវុធហត្ថទាក់ទងនឹងការបង្ក្រាបជនបរទេសទាំងពីរនាក់ដែលសង្ស័យថាលក់ថ្នាំញៀនផងនិងជក់ផង នៅល្ងាចថ្ងៃទី១៦ខែមិថុនា ពួកគេត្រូវបានបញ្ជូនទៅសាលាដំបូងខេត្ដព្រះសីហនុដើម្បីចោទប្រកាន់ និងបន្ដការស៊ើបអង្កេតចំពោះជនបរទេសទាំងពីរនាក់នេះរួចហើយ ៕
.jpg)
