Khmer
English
Chinese
Frence
Vietnamese
Thai
ត្រួតពិនិត្យមួកកញ្ចក់និងស្លាកលេខតែរកឃើញថ្នាំញៀនជិត១០កញ្ចប់
ដោយ ៖ ឡូ សំអាត ថ្ងៃទី 25 មិថុនា 2012ម៉ោង 15:09:54
ភ្នំពេញ ៖ សមត្ថកិច្ចនគរបាលប៉ុស្ដិ៍ ទួលស្វាយព្រៃទី១ ខណ្ឌចំការមន បានឃាត់ខ្លួនជនសង្ស័យម្នាក់ ខណៈដែលធ្វើ ការឆែកឆេរទៅលើម៉ូតូ ហើយប្រទះ ឃើញនៅក្រោមកែបមានម្សៅក្រាម ពណ៌ស ចំនួន១០កូនកញ្ចប់(ម៉ាទឹកកក) ដែលជននេះទុកចែកចាយនិងជក់ខ្លួនឯង ។
ការឃាត់ខ្លួនជនសង្ស័យដែលមាន ថ្នាំញៀននៅក្នុងម៉ូតូរបស់សមត្ថកិច្ច នគរបាលទួលស្វាយព្រៃទី១ខាងលើនេះ បានធ្វើឡើងកាលពីថ្ងៃទី២៤ ខែមិថុនា ឆ្នាំ២០១២ វេលាម៉ោង១៧និង៣០នាទី ស្ថិតនៅចំណុចផ្លូវលេខ១៧៣ កែងនឹង ផ្លូវលេខ៣៦៦ សង្កាត់ទួលស្វាយព្រៃទី១ ខណ្ឌចំការមន ។
មន្ដ្រីនគរបាលប៉ុស្ដិ៍ទួលស្វាយព្រៃបាន ឱ្យដឹងថា ជនសង្ស័យរូបនេះគឺជាមនុស្ស ប្រើប្រាស់គ្រឿងញៀន និងជួញដូរផងដែរ មានឈ្មោះញ៉ែម វណ្ណដេត ហៅអាគោ អាយុ១៨ឆ្នាំ ស្នាក់នៅបច្ចុប្បន្នផ្ទះជួលគ្មានលេខ ក្នុងសង្កាត់ស្ទឹងមានជ័យ ខណ្ឌមានជ័យ ។
មុនឈានទៅដល់ការឃាត់ខ្លួនជន សង្ស័យរូបនេះ សមត្ថកិច្ចនគរបាលប៉ុស្ដិ៍ ទួលស្វាយព្រៃទី១ បានធ្វើការល្បាតនៅ លើកំណាត់ផ្លូវក្នុងភូមិសាស្ដ្ររបស់ខ្លួន ហើយក៏ឃើញជនសង្ស័យជិះម៉ូតូម៉ាក ស្គូពី គ្មានស្លាកលេខ មានការសង្ស័យក៏ កាក់សួរនិងត្រួតពិនិត្យ ហើយឱ្យបើក កែបម៉ូតូឡើង ស្រាប់តែប្រទះឃើញថ្នាំ ញៀន១០កញ្ចប់តែម្ដង ។ ប៉ុន្ដែបើតាម ចម្លើយសារភាពរបស់អាគោ ដែលចាប់ ខ្លួននេះ គេថាថ្នាំញៀនទាំងអស់នេះបាន ទិញពីគេយកមកប្រើប្រាស់ ហើយសល់ មួយផ្នែកទៀតគឺទុកលក់ឱ្យមិត្ដភក្ដិ តែ មិនទាន់ដល់គោលដៅផង ក៏សមត្ថកិច្ច ក្របួចជាប់តែម្ដង ។
ជនសង្ស័យរូបនេះមិនមែនតែប្រើប្រាស់ និងចែកចាយតិចតួច ឬម្ដងពីរដងនោះទេ គឺជាញឹកញយ តែសមត្ថកិច្ចមិន ចាប់អារម្មណ៍ ទើបតែនៅថ្ងៃទី២៤ ខែ មិថុនា ឆ្នាំ២០១២ ខណៈដែលឃើញជិះម៉ូតូអត់ស្លាកលេខក៏ឃាត់សួរនាំឆែកឆេរឃើញតែម្ដង ៕
.jpg)
