Khmer
English
Chinese
Frence
Vietnamese
Thai
កូនប្រុសឧកញ៉ាឃី ពៅ បាញ់២គ្រាប់លេង ចង់សាកចិត្ដសមត្ថកិច្ចហ៊ានចាប់ឬអត់
ដោយ ៖ ស.ដារ៉ា ថ្ងៃទី 25 មិថុនា 2012ម៉ោង 16:14:10
ភ្នំពេញ ៖ អំពើបាញ់បោះសេរីមួយបង្កឡើងដោយកូនអ្នកមានទ្រព្យបានធ្វើឱ្យភ្ញាក់ផ្អើលដល់អ្នកជិតខាង និងសមត្ថកិច្ចឈរជើងនៅក្បែរកន្លែងកើតហេតុ ដោយសារតែខ្មាន់កាំភ្លើងវ័យក្មេងរូបនោះបានចាត់ទុកកន្លែងដែលបាញ់បោះសេរីនោះថាជាកន្លែងបាញ់ស៊ីប ហើយពេលបាញ់រួចនាំគ្នាជិះរថយន្ដទំនើបគេចខ្លួនបាត់អស់ ដោយទំនងជាគិតថាចង់សាកសមត្ថកិច្ចលេង តើហ៊ានចាប់ពួកគេដែរឬអត់។
យោងតាមរបាយការណ៍របស់កងរាជ អាវុធហត្ថខណ្ឌដូនពេញចុះថ្ងៃទី២៥ ខែ មិថុនា ឆ្នាំ២០១២ បានឱ្យដឹងថា អំពើ បាញ់បោះសេរីនេះកើតឡើងកាលពីវេលា ម៉ោង៥ទៀបភ្លឺ ថ្លៃទី២៥ ខែមិថុនា ឆ្នាំ ២០១២ នៅតាមបណ្ដោយផ្លូវលេខ៦៥ ត្រង់ម្ដុំហូលីដេក្លិប សង្កាត់ស្រះចក ខណ្ឌ ដូនពេញ មានការផ្ទុះអាវុធចំនួន២គ្រាប់ ដែលបង្កឡើងដោយក្មេងស្ទាវ២នាក់ ជា កូនឧកញ៉ាម្នាក់ដែលតែងមានសិទ្ធិធ្វើ ផ្លូវនៅក្នុងរាជធានីភ្នំពេញ ។
យោងតាមរបាយការណ៍នេះ បានឱ្យ ដឹងទៀតថា ក្មេងស្ទាវដែលជាខ្មាន់កាំភ្លើង បាញ់បោះសេរី២នាក់នេះ មិនត្រូវបាន គេស្គាល់ឈ្មោះឡើយ ។ ប៉ុន្ដែគេគ្រាន់តែ ដឹងថា ក្នុងនោះមានម្នាក់ជាកូនរបស់ លោកឧកញ៉ាឃី ពៅ អ្នកម៉ៅការស្ថាបនា និងជួសជុលផ្លូវក្នុងរាជធានីភ្នំពេញ ហើយ កូនឧកញ៉ាឃី ពៅ ធ្លាប់វាយទៅលើអ្នក ធ្វើការកន្លែងបញ្ជាបង់ប្រាក់ផ្លូវ២០០៤ ក្នុងខណ្ឌសែនសុខ ម្ដងរួចមកដែរ តែអត់ ជាប់គុក ព្រោះមានអ្នកជួយអន្ដរាគមន៍។ មុនពេលកើតហេតុ ជនទាំង២នាក់ជិះ រថយន្ដម៉ាកឡង់គ្រឺស័រ ពណ៌ខ្មៅ ពាក់ ស្លាកលេខ ភ្នំពេញ 2Q-7116 ពីទិសខាង ត្បូងទៅជើង ហើយពេលទៅដល់ជិត ហូលីដេក្លិប ជាន់ហ្វ្រាំងឈប់ រវៃកញ្ចក់ចុះ ដកកាំភ្លើងខ្លីមិនស្គាល់ម៉ាកបាញ់ផូង! ផូង! ឡើងលើ២គ្រាប់រួចបើករថយន្ដ គេចខ្លួនបាត់ទៅ ។
ប្រជាពលរដ្ឋរស់នៅក្បែរនោះបាន និយាយថា ការបាញ់បោះសេរីនេះ ថ្វីបើ ពុំមានមនុស្សណាម្នាក់រងរបួស ឬបាត់ បង់ជីវិតក៏ដោយ តែការបាញ់បោះនេះ បង្កឱ្យមានការភ្ញាក់ផ្អើលដល់ពលរដ្ឋ និងសមត្ថកិច្ចនៅក្បែរនោះ ព្រោះនឹង ស្មានថាជាអំពើបាញ់ប្លន់កើតឡើង ខណៈ ពលរដ្ឋកំពុងព្រួយបារម្ភ ។
ទោះយ៉ាងណា ប្រជាពលរដ្ឋនាំគ្នា និយាយថា សមត្ថកិច្ចបានស្គាល់អត្ដ សញ្ញាណអ្នកបាញ់បោះសេរីនេះជាកូន របស់លោកឧកញ៉ាឃី ពៅ ជាអ្នកមាន ទ្រព្យរួចទៅហើយ ប៉ុន្ដែមានភាពធូរ រលុងជាមួយកូនសំណព្វចិត្ដ ។ តើសមត្ថ កិច្ចហ៊ានតាមចាប់ខ្លួនពួកគេ ដើម្បីមក ទទួលខុសត្រូវចំពោះមុខច្បាប់ដែរឬទេ? ដើម្បីឱ្យមានតម្លាភាពចំពោះមុខច្បាប់ ដោយ មិនគិតថាកូនអ្នកមាន កូនអ្នកក្រ ត្រូវតែចាប់ឃាត់ខ្លួនអ្នកប្រព្រឹត្ដខុស មកទទួលទោសមុខច្បាប់ឱ្យទាល់តែបាន នោះ ទើបគេហៅថា“សង្គមយុត្ដិធម៌” ។
ដូច្នេះគេសង្ឃឹមថា សមត្ថកិច្ចនឹង ចាត់ការកូនប្រុសលោកឧកញ៉ា ឃី ពៅ តាមនីតិវិធីនៃច្បាប់ជាមិនខាន ។
ពាក់ព័ន្ធករណីបាញ់សេរីនេះ លោក ឧកញ៉ាឃី ពៅ បានប្រាប់កាសែតនគរ វត្ដតាមទូរស័ព្ទកាលពីរសៀលថ្ងៃទី២៥ ខែមិថុនា ឆ្នាំ២០១២ថា លោកមិនបានដឹងទេ ព្រោះរវល់មកខេត្ដ តែចាំសួររកមូលហេតុនៃការបាញ់នេះ ៕
.jpg)
