Khmer
English
Chinese
Frence
Vietnamese
Thai
យុវជនម្នាក់ត្រូវរន្ទះបាញ់ស្លាប់ពេលទៅឃ្វាលក្របី
ដោយ ៖ ព.អមតៈ ថ្ងៃទី 05 កក្កដា 2012ម៉ោង 15:36:14
ខេត្ដពោធិ៍សាត់ ៖ យុវជនម្នាក់បានត្រូវរន្ទះបាញ់ស្លាប់ភ្លាមៗនៅនឹងកន្លែង ខណៈកំពុងឃ្វាលក្របីនៅវាលស្រែខាងក្រោយភូមិ កាលពីរសៀលថ្ងៃទី៤ ខែ កក្កដា ឆ្នាំ២០១២ ត្រង់ចំណុចព្រែកកំពង់ពោធិ៍ ។
លោកហ៊ុន សឿន ឪពុកជនរងគ្រោះ បានរៀបរាប់ថា កាលពីរសៀលថ្ងៃកើតហេតុ រូបគាត់និងកូនប្រុសបានទៅឃ្វាលក្របីនៅឯវាលស្រែដែលមានព្រៃរបោះ ខាងក្រោយភូមិ ។ បន្ទាប់មកក៏មាន ភ្លៀងធ្លាក់លាយឡំខ្យល់ផ្គររន្ទះ គាត់ក៏នាំ កូនចូលជ្រកភ្លៀងនៅក្នុងខ្ទមប្រក់តង់ ដែលនៅក្នុងនោះគាត់បានចងអង្រឹងដេក ស្រាប់តែមានផ្លេកបន្ទោឆ្វាចនៅក្បែរ ខលួន រួចហើយក៏បាញ់ផាំងតែម្ដង បណ្ដាលឱ្យដាច់ខ្សែអង្រឹង ធ្វើឱ្យរូបគាត់វង្វេង វង្វាន់ស្លន់ស្លោស្រវេស្រវារកកូនប្រុស ឃើញដួលដេកទៅលើដី ។ ភ្លាមៗនោះ គាត់សឹងតែមិនជឿថាកូនប្រុសស្លាប់ទេ ព្រោះនៅស្រស់ៗពេក ។ ប៉ុន្ដែខោជើង វែងដែលកូនស្លៀកត្រូវរហែកជើងទាំង សងខាង ។ ឪពុកជនរងគ្រោះបន្ដថា កូន ដែលស្លាប់ដោយសារត្រូវរន្ទះបាញ់នេះ ឈ្មោះអឹម ព្រឿន អាយុ១៩ឆ្នាំ រស់នៅ ក្នុងភូមិស្ដុកខ្ទុំ ឃុំផ្ទះរុង ស្រុកភ្នំក្រវាញ ខេត្ដពោធិ៍សាត់ ។ លោកហ៊ុន សឿន បន្ដ ទៀតថា កូនប្រុសគាត់នេះជាកូនពៅរស់ នៅក្នុងបន្ទុក ។
លោកដុល ប៉ន នាយប៉ុស្ដិ៍នគរបាល រដ្ឋបាលផ្ទះរុងបានឱ្យដឹងថា ក្រោយពីធ្វើកោសល្វិច័យ សមត្ថកិច្ចពិនិត្យឃើញថា ជនរងគ្រោះពិតជាស្លាប់ដោយសារ ត្រូវរន្ទះបាញ់ប្រាកដមែន ហើយបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី ៕
.jpg)
