Khmer
English
Chinese
Frence
Vietnamese
Thai
ស្លាប់និងបាត់ខ្លួន៧១នាក់ដោយគ្រោះទឹកជំនន់នៅឥណ្ឌា
ដោយ ៖ ម៉ែវ សាធី ថ្ងៃទី 07 សីហា 2012ម៉ោង 14:34:26
យ៉ាងហោចណាស់មានមនុស្ស៣១ នាក់បាត់បង់ជីវិត និង៤០នាក់ទៀតបាត់ខ្លួន និងជាង២ពាន់នាក់រងផលប៉ះពាល់ ដោយគ្រោះទឹកជំនន់បណ្ដាលមកពី ភ្លៀងធ្លាក់ខ្លាំងវាយប្រហារតំបន់ Uttarkashi រដ្ឋ Uttarakhand ភាគ ខាងជើងប្រទេសឥណ្ឌា ។
តាមសារព័ត៌មានឥណ្ឌា NDTV បាន ផ្សព្វផ្សាយថា គ្រោះទឹកជំនន់បង្កឱ្យមានការបាក់ដី បំផ្លាញផ្ទះសម្បែងពលរដ្ឋ រាប់រយខ្នង និងកួចដើមឈើជាច្រើនទៅ ជាមួយផងដែរ ក្រៅពីនេះនៅមានផ្លូវ ថ្នល់ជាច្រើនរងការខូចខាត ។
លោក Rajeshkoma មន្ដ្រីរដ្ឋាភិ បាលនៅតំបន់ដែលរងគ្រោះបាននិយាយ ទៅកាន់សារព័ត៌មានAFP ថា “យើងខ្ញុំ និងក្រុមជួយសង្គ្រោះបានទៅដល់កន្លែង កើតហេតុដើម្បីជួយដល់ប្រជាពលរដ្ឋ”។ បច្ចុប្បន្ន កងកម្លាំងជួយសង្គ្រោះ និង កម្លាំងយោធាបានចូលរួមជួយសង្គ្រោះ ប្រជាពលរដ្ឋ។ ពលរដ្ឋជាង២០០គ្រួសារ ត្រូវបានភៀសខ្លួនឡើងទៅកាន់តំបន់ខ្ពស់។ ក្រសួងព្យាករណ៍ឧតុនិយមបញ្ជាក់ ថា ភ្លើងធ្លាក់ខ្លាំងបន្ដកើតមាននៅប៉ុន្មាន ថ្ងៃខាងមុខទៀត ។ មន្ដ្រីជាន់ខ្ពស់ក្នុងរដ្ឋ Uttarakhand បញ្ជាក់ថា ពលរដ្ឋជាង ២ពាន់នាក់រងផលប៉ះពាល់ និង២០០ គ្រួសារបាត់បង់ទីជម្រកត្រូវទៅរក្សនៅ បណ្ដោះអាសន្នតាមសាលារៀន ។
តាមប្រព័ន្ធផ្សព្វផ្សាយDNTV បានផ្សាយថា នេះជាគ្រោះទឹកជំនន់ដ៏ធំបំផុត មិនធ្លាប់មាននៅតំបន់Uttakashi ក្នុង រយៈពេល៣០ឆ្នាំកន្លងមក ។
កាលពីខែកក្កដា កន្លងមក គ្រោះទឹក ជំនន់ និងបាក់ដីក៏បានឆក់យកអាយុជីវិត ពលរដ្ឋ១២០នាក់នៅភាគឦសាននៃ ប្រទេសឥណ្ឌា និងធ្វើឱ្យពលរដ្ឋ២០លាន នាក់ភៀសខ្លួនចោលផ្ទះសម្បែង ។
ចំណែកនៅក្នុងប្រទេសប៉ាគីស្ថាន ក៏មានភ្លៀងធ្លាក់ខ្លាំងជាប់ៗគ្នាជាច្រើនថ្ងៃ បង្កទៅជាគ្រោះទឹកជំនន់ពន្លិចទីក្រុងឡាហ័រ ដោយតំបន់ខ្លះទឹកលិចដល់ជាង ពាក់កណ្ដាលខ្លួនមនុស្សចាស់ធ្វើឱ្យសកម្ម ភាពនានារបស់ប្រជាពលរដ្ឋរងផលប៉ះពាល់យ៉ាងខ្លាំង ៕
.jpg)
