Khmer
English
Chinese
Frence
Vietnamese
Thai
កូនភ្លោះ៣នាក់របស់សម្ដេចតេជោកើតជាមួយគ្រួសារក្រីក្រទៀតហើយ
ដោយ ៖ អ៊ុំ ណូន ថ្ងៃទី 08 សីហា 2012ម៉ោង 16:48:06
ភ្នំពេញ ៖ កូនភ្លោះ៣នាក់បានកើតនៅក្នុងគ្រួសារមួយដែលមានជីវភាពក្រីក្រកាលពីថ្ងៃទី៤ ខែសីហា ឆ្នាំ២០១២ នៅក្នុងភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ ហើយកន្លងមកគ្រួសារ ដែលប្រសូតបានកូនភ្លោះ៣បែបនេះ សម្ដេចនិងលោកជំទាវតែងស្រឡាញ់ និងចាត់ទុកដូចជាកូនជាចៅ តែងតែប្រកាសឧបត្ថម្ភផ្ដល់ថវិកាជួយចិញ្ចឹមដល់គ្រួសារណាដែលប្រសូតបានកូនភ្លោះ ពិតប្រាកដរហូតដល់៣នាក់ទៀតផង ។
ទារកទាំង៣ដែលរួមផ្ទៃម្ដាយតែមួយនោះឱពុកឈ្មោះ សោម វណ្ណា អាយុ៣០ ឆ្នាំ មុខរបរកម្មករសំណង់និងម្ដាយឈ្មោះ យន់ ស្រីភី អាយុ២៩ឆ្នាំ មុខរបរនៅផ្ទះ មានទីលំនៅភូមិគោកឃ្លាង សង្កាត់ ភ្នំពេញថ្មី ខណ្ឌសែនសុខ ។
បើតាមសម្ដីរបស់ឪពុកម្ដាយទារក ភ្លោះ៣នាក់នេះបាននិយាយឱ្យនគរវត្ដដឹង ថា លោកមានកូនសរុបទាំងអស់៥នាក់ ហើយកូនភ្លោះនេះជាកូនទី៣ គឺស្រីម្នាក់ ប្រុស២នាក់ ដោយកូនទី១ ស្រីអាយុ៩ឆ្នាំ កូនទី២ស្រីដែរ អាយុ៤ឆ្នាំ និងកូនទី៣នេះ ស្រាប់តែប្រសូតបាន៣នាក់តែម្ដង ហើយនៅពេលដែលប្រសូតមក កូន របស់លោកទាំង៣ គឺមានសុខភាពល្អ ធម្មតាដូចគេឯង ។
បន្ទាប់ពីទទួលព័ត៌មានថា ប្រជាពល រដ្ឋនៅក្នុងមូលដ្ឋានប្រសូតបានកូនភ្លោះ ម្ដង៣នាក់ ហើយកន្លងមកសម្ដេចតេជោ និងលោកជំទាវ តែងតែក្រើនរំលឹកថា ជាកូនរបស់សម្ដេចនោះ លោកលី សាវេត អភិបាលនៃគណៈអភិបាលខណ្ឌសែនសុខ ក៏បានឱ្យតំណាងរបស់លោកម្នាក់ គឺ លោកស្រី ព្រំ រដ្ឋា ជាអភិបាលរងខណ្ឌ និងជាអនុប្រធានសមាគមនារីខណ្ឌសែន សុខ រួមដំណើរដោយលោកស្រី ហេង ថុល អនុប្រធានសមាគមនារីខណ្ឌ និងជាអនុ ប្រធានអចិន្ដ្រៃលោកស្រី ពៅ ចាន់ហន អនុប្រធានការិយាល័យផែនការអភិវឌ្ឍ និងជាសមាជិកសមាគមនារីខណ្ឌ និង លោកស្រី សេង សុវណ្ណ ជាជនបង្គោល កិច្ចការនារីសង្កាត់និងជាប្រធានសមាគម នារីសង្កាត់ភ្នំពេញថ្មី ចុះទៅសួរសុខទុក្ខ មាតាបិតានិងទារកភ្លោះទាំង៣នាក់នៅ ក្នុងមន្ទីរពេទ្យមិត្ដភាពកម្ពុជា-សូវៀត នារសៀលថ្ងៃទី៧ ខែសីហា ឆ្នាំ២០១២ ដោយនាំយកអំណោយមួយចំនួនដើម្បី ឧបត្ថម្ភការខ្វះខាតដូចជាសម្លៀកបំពាក់ កន្សែង ក្រមា ទឹកដោះគោឆៅ២ឡូត៍និង ប្រាក់១លានរៀលផងដែរ ។
ថ្លែងក្នុងពិធីប្រគល់អំណោយនោះ លោកស្រី ព្រំ រដ្ឋា បានជំនួសមុខឱ្យលោក លី សាវេត អភិបាលខណ្ឌសែនសុខបាន មានមតិថា នេះជាអំណោយឱ្យលើកទី១ ដែលគ្រាន់ជួយដោះទាល់ ហើយលើក ក្រោយនឹងជួយឧបត្ថម្ភបន្ដទៀត ។
លោក សោម វណ្ណា ជាឪពុកកូនភ្លោះ ទាំង៣នាក់បាននិយាយត្អូញត្អែរថា លោក ជាកម្មករសំណង់ ហើយប្រពន្ធមិនមាន មុខរបរនិងមានជីវភាពក្រីក្រលំបាកនៅក្នុងការចិញ្ចឹមកូនជាច្រើនបែបនេះ ប៉ុន្ដែលោកមានការសប្បាយចិត្ដយ៉ាង ខ្លាំងនៅដែលប្រសូតបានកូនទាំង៣នាក់ នេះហើយមានលោកអភិបាលខណ្ឌសែនសុខ ជាពិសេសសម្ដេចតេជោនឹងជួយ គ្រួសារគាត់ ។ ជាចុងក្រោយលោកនឹង ភរិយាក៏បានថ្លែងអំណរគុណដល់លោកលី សាវេតអភិបាលខណ្ឌសែនសុខនិងលោក ស្រី ព្រមទាំងលោកស្រី ព្រំ រដ្ឋា អភិបាល រងខណ្ឌសែនសុខ និងមន្ដ្រីសាលាខណ្ឌ ទាំងអស់ដោយជូនពរសូមឱ្យជួបតែ សេចក្ដីសុខគ្រប់ប្រការ ។ លោកក៏សូម អំពាវនាវសុំការជួយឧបត្ថម្ភពីសម្ដេច និងលោកជំទាវ និងសប្បុរសជននានា ទាំងក្នុងនិងក្រៅប្រទេសមេត្ដាជួយគ្រួសារ លោកផងដែរ ពិសេសកូនភ្លោះទាំង៣ នាក់នេះនឹងដាច់ពោះស្លាប់ ប្រសិនបើ គ្មានការជួយឧបត្ថម្ភពីសប្បុរសជន ខណៈដែលគ្រួសាររបស់លោកកំពុងជួបការលំបាកយ៉ាងខ្លាំង ។
គួររំលឹកផងដែរថា នៅក្នុងខេត្ដ កំពង់ចាមកន្លងមក ក៏មានកូនភ្លោះ៣ នាក់បានកើតនៅក្នុងគ្រួសារកសិករមួយ ដែលរស់នៅក្នុងភូមិត្រញំងរាំង ឃុំ សូសែន ស្រុកព្រៃឈរ ខេត្ដកំពង់ចាម កាលពីវេលាម៉ោង១១និង៣០នាទីយប់ ថ្ងៃទី៦ ខែសីហា ឆ្នាំ២០១២ នៅមន្ទីរ ពេទ្យបង្អែកខេត្ដផងដែរដោយម្ដាយឈ្មោះ សាំង សូដានី អាយុ២៩ឆ្នាំ ។ គេបានដឹងថា សម្រាប់ក្រុមគ្រួសារណាដែលសម្រាល បានកូនភ្លោះ៣ សម្ដេចនិងលោកជំទាវ តែងតែជួយឧបត្ថម្ភថវិកានិងសម្ភារ ដើម្បីជួយផ្គត់ផ្គង់ដល់ជីវភាពគ្រួសារកូនភ្លោះទាំង៣នាក់ផងដែរ ៕
.jpg)
