Khmer
English
Chinese
Frence
Vietnamese
Thai
រថយន្ដទេសចរណ៍ក្រុមហ៊ុន សំ ស្រេង CAMBODIA បុករ៉ឹម៉កកង់បីរបួសធ្ងន់៣ស្រាល២ ប្រុងបើកគេចសមត្ថកិច្ចឃាត់ជាប់
ដោយ ៖ ឡូ សំអាត ថ្ងៃទី 17 សីហា 2012ម៉ោង 15:49:26
ភ្នំពេញ ៖ កាលពីវេលាម៉ោង២និង៣០នាទីរសៀល ថ្ងៃទី១៧ ខែសីហា ឆ្នាំ២០១២ មានគ្រោះថ្នាក់ចរាចរមួយបានកើតឡើងនៅចំណុចគល់ស្ពាននាគផ្នែកខាងលិច ឋិតក្នុងសង្កាត់ទន្លេបាសាក់ ខណ្ឌចំការមន បង្កឡើងដោយរថយន្ដទេសចរណ៍ក្រុមហ៊ុនសំ ស្រេង CAMBODIA បើកបុកជាមួយរ៉ឺម៉កកង់បី(តុកតុក) បណ្ដាលឱ្យភាគីរ៉ឺម៉ករបួសធ្ងន់៣នាក់ និងស្រាល២នាក់ ហើយរថយន្ដបានព្យាយាមបើកគេចរហូតដល់ចំណុចផ្លូវលេខ១៩៣កែងផ្លូវព្រះនរោត្ដម ត្រូវសមត្ថកិច្ចប៉ុស្តិ៍នគរបាលរដ្ឋបាលទន្លេបាសាក់ចេញអន្ដរាគមន៍ឃាត់ចាប់បាន ។
តាមប្រភពព័ត៌មានពីសាក្សីនៅកន្លែងកើតហេតុបានឱ្យដឹងថា ដំបូងគេឃើញរ៉ឺម៉កកង់បីបើកក្នុងទិសដៅពីលិតទៅកើត ក្នុងបំណងឆ្លងទៅកោះពេជ្រ ស្របពេលនោះក៏មានរថយន្ដទេសចរណ៍ក្រុមហ៊ុនសំ ស្រេង CAMBODIA បើកយ៉ាងច្រើនពីត្បូងទៅជើងតាមបណ្តោយផ្លូវសបិទខាងកើតអគារណាហ្គាវើល លុះដល់ចំណុចគល់ស្ពាននាគ ក៏បុកជាមួយរ៉ឺម៉កកង់បី បណ្ដាលឱ្យក្រឡាប់ចាក់តែម្ដង ។
បច្ចុប្បន្នទាំងរថយន្ដនិងអ្នកបើកបរសមត្ថកិច្ចកំពុងសាកសួរនិងធ្វើកំណត់ហេតុនៅស្នាក់ការប៉ុស្ដិ៍ ៕
.jpg)
