Khmer
English
Chinese
Frence
Vietnamese
Thai
ក្រុមការងារមន្ទីរធនធានទឹកខេត្ដបន្ទាយមានជ័យបូមទឹកសង្គ្រោះស្រូវបាន១.៧០០ហិកតា
ដោយ ៖ សុខ ខេមរា ថ្ងៃទី 18 សីហា 2012ម៉ោង 09:03:27
ខេត្ដបន្ទាយមានជ័យ ៖ បើទោះជាមួយរយៈនេះក្រុមការងាររបស់មន្ទីរចុះអន្ដរាគមន៍សង្គ្រោះស្រូវ សន្ទូង និងសំណាប បានចំនួន១.៧០០ហិកតាក៏ដោយ ប៉ុន្ដែជាទិសដៅនៅតែបន្ដចុះអន្ដរាគមន៍ដើម្បីស្វែងរកប្រភពទឹកស្រោចស្រពលើដី ស្រែជូនប្រជាពលរដ្ឋ ។ លោក យឹម ប៊ុនរ៉ុម ប្រធានមន្ទីរធនធានទឹកនិងឧតុនិយមខេត្ដបន្ទាយមានជ័យ និយាយបែប នេះប្រាប់នគរវត្ដកាលពីព្រឹកថ្ងៃទី១៨ ខែសីហា ឆ្នាំ២០១២ ។
លោក យឹម ប៊ុនរ៉ុម បញ្ជាក់ថា ក្រុមការងារបានចុះជាប្រចាំបូមទឹកសង្គ្រោះស្រូវប្រជាពលរដ្ឋនៅស្រុកចំនួន៣ គឺស្រុក ភ្នំស្រុក, ស្រុកព្រះនេត្រព្រះ និងស្រុកមង្គលបុរី ក្នុងនោះស្រុកភ្នំស្រុក និងស្រុកព្រះនេត្រព្រះ បានបូមទឹកសង្គ្រោះស្រូវ ចប់សព្វគ្រប់អស់ហើយ ដែលមានការប៉ះពាល់បញ្ហារាំងស្ងួតកន្លងទៅ ដូច្នេះក្រុមការងារបានបន្ដមកស្រុកមង្គលបុរី គឺ ចុះអន្ដរាគមន៍បូមទឹកនៅចំណុចឃុំសឿ ដោយតាមការពិនិត្យជាក់ស្ដែង ដីស្រែរបស់ប្រជាពលរដ្ឋមានផលប៉ះពាល់ រាំងស្ងួតរហូតដល់១.៨០០ហិកតាឯណោះ ។
លោកប្រធានមន្ទីរបានបន្ដថា បច្ចុប្បន្ននេះ ក្រុមការងារកំពុងមមាញឹកបូម និងកាយប្រឡាយ ធ្វើយ៉ាងណារកប្រភពទឹកតាមការណែនាំ និងគោលការណ៍របស់លោករដ្ឋមន្ដ្រីក្រសួងធនធានទឹក តែងតែតម្រូវឱ្យថ្នាក់ដឹកនាំក្រសួង ក៏ដូច ជាតាមមន្ទីរយកចិត្ដទុកដាក់លើបញ្ហាបង្កបង្កើនផលរបស់ប្រជាពលរដ្ឋ ៕
.jpg)
