Khmer
English
Chinese
Frence
Vietnamese
Thai
កីឡាចំនួន៦ប្រភេទបានត្រៀមចេញទៅប្រកួតនៅប្រទេសឡាវនិស្សិតអាស៊ាន
ដោយ ៖ សារីម ថ្ងៃទី 18 សីហា 2012ម៉ោង 09:15:11
ភ្នំពេញ ៖ ការប្រកួតកីឡានិស្សិតសាកលវិទ្យាល័យអាស៊ានលើទី១៦ (Game AUG) និងចាប់ផ្ដើមពីថ្ងៃទី១២ ខែធ្នូ ឆ្នាំ២០១២ខាងមុខនេះនៅលើទឹកដី ប្រទេសឡាវហើយក៏ជាលើកទី៤ដែរសម្រាប់ប្រទេសកម្ពុជាដែលមានវត្ដ មានបញ្ជូនកីឡាករ កីឡាការិនីទៅចូល រួមប្រកួត កីឡានិស្សិតអាស៊ាននេះ ។
ប្រភពព័ត៌មានពីមន្ដ្រីមជ្ឈមណ្ឌល ហ្វឹកហ្វឺនកីឡា បានបង្ហើបឱ្យដឹងកាលពី ព្រឹកថ្ងៃសុក្រ ទី១៧ ខែសីហា ឆ្នាំ២០១២ នេះថា ក្រសួងអប់រំយុវជន និងកីឡា បានសម្រេចត្រៀមកីឡាករជម្រើសជាតិ ចំនួន៦វិញ្ញាសា ទៅចូលរួមប្រកួតនៅ ប្រទេសឡាវ ។
ប្រភពដដែលនេះបានបន្ដទៀតថា មូលហេតុដែលកម្ពុជាបញ្ជូនកីឡាករ កីឡាការិនីត្រឹមតែ៦ប្រភេទទៅចូលរួម នោះ ព្រោះតែការប្រកួតនេះ គេតម្រូវ ឱ្យតែកីឡាករ កីឡាការិនីដែលជានិស្សិត ប្រកួតប៉ុណ្ណោះ ។
ចំពោះព្រឹត្ដិការណ៍ប្រកួតកីឡាសាកល វិទ្យាល័យអាស៊ានដែលធ្វើនៅប្រទេស ឡាវនាពេលខាងមុខនេះ មានវិញ្ញាសា រហូតដល់ទៅ១៦ប្រភេទឯណោះ ហើយ ភាគច្រើន វិញ្ញាសាទាំង១៦ប្រភេទ កម្ពុជាយើងសុទ្ធតែជម្រើសជាតិ ប៉ុន្ដែ អ្វីដែលជាបញ្ហានោះ គឺកីឡាករយើង មានកម្រិតសិក្សាទាប ដែលមិនអាច បញ្ជូនពួកគេទៅចូលរួមប្រកួតក្នុង ព្រឹត្ដិការណ៍នេះបាន ។
វិញ្ញាសាដែលមជ្ឈមណ្ឌលជាតិហ្វឹក ហ្វឺនកីឡា កំពុងតែហ្វឹកហាត់ត្រៀមទាំង ៦ប្រភេទនេះ គឺតេក្វាន់ដូ មានកីឡាការិនី ចំនួន៣នាក់ ពួកគេសុទ្ធសឹងតែធ្លាប់បាន ទទួលមេដាយមេពីការប្រកួតស៊ីហ្គេម ទី២វាយកូនបាល់មានកីឡាករ៣នាក់ ទី៣ប៉េតង់៥នាក់ ទី៤យូដូ មានកីឡាករ ២នាក់ កីឡាការិនី៣នាក់ ទី៥វាយកូនឃ្លី លើតុ មានកីឡាករ២នាក់ និងអត្ដពល កម្ម២នាក់ផងដែរ សរុបកីឡាករ កីឡា ការិនីចំនួន១៧នាក់ ។
យោងតាមប្រភពព័ត៌មានខាងលើ នេះឱ្យដឹងថា ចំពោះការប្រមូលផ្ដុំកីឡាករ កីឡាការិនី ការហ្វឹកហាត់បំប៉ននេះ កំពុងតែស្ថិតក្នុងជុំរំប្រមូលផ្ដុំ ហើយគេ នឹងបញ្ចប់នៅដំណាច់ខែតុលា ឆ្នាំ២០១២ ខាងមុខនេះ ហើយបើចង់ហ្វឹកហាត់បំប៉ន ពួកគេបន្ថែមទៀតនោះ ក៏ត្រូវតែមាន លុយសម្រាប់ផ្គត់ផ្គង់ពួកគេផងដែរ ។
ចំពោះវិញ្ញាសាទាំង១៦ប្រភេទដែល ត្រៀមធ្វើការប្រកួតកីឡាសាកលវិទ្យា ល័យអាស៊ាន នៅប្រទេសឡាវនោះ មាន អត្ដពលកម្ម, វាយសី, បាល់បោះ, បាល់ទះ, បាល់ទាត់, ការ៉ាតេដូ, បញ្ឈរសី លា, សីប៉ាក់តាក្រ, ហែលទឹក, តេក្វាន់ដូ, វាយកូនឃ្លីលើតុ, វាយកូនបាល់, វូស៊ូ, បាញ់ធ្នូ និងអុក ។
គួររំលឹកថា កីឡាករ កីឡាការិនី កម្ពុជា ធ្លាប់បានទៅចូលរួមប្រកួតកីឡា និស្សិត៣លើករួចមកហើយ កាលពីឆ្នាំ ២០០៦ និងឆ្នាំ២០០៨ ធ្វើនៅប្រទេស ម៉ាឡេស៊ីនោះកម្ពុជាធ្លាប់ទទួលបានមេ ដាយសំរឹទ្ធលើវិញ្ញាសាតេក្វាន់ដូ ប៉ុន្ដែ ឆ្នាំ២០១០កម្ពុជាមិនបានទទួលមេដាយឡើយ ៕
.jpg)
