Khmer
English
Chinese
Frence
Vietnamese
Thai
រថយន្ដដឹកទឹកស្រោចផ្លូវពីផ្សារព្រៃល្វាទៅអង្គរបុរីកិនមនុស្សស្លាប់១របួសធ្ងន់១
ដោយ ៖ ព្រហ្ម សុផៃ ថ្ងៃទី 18 សីហា 2012ម៉ោង 10:48:45
ខេត្ដតាកែវ ៖ កាលពីវេលាម៉ោង៨និង៣០នាទីយប់ ថ្ងៃទី១៧ ខែសីហា ឆ្នាំ២០១២ មានគ្រោះថ្នាក់ចរាចរមួយបង្កឡើងដោយរថយន្ដដឹកទឹកស្រោចផ្លូវពីផ្សារព្រៃល្វាទៅកាន់ស្រុកអង្គរបុរី បានបើកប៉ះម៉ូតូ១គ្រឿងបណ្ដាលឱ្យដួល ហើយកិនសម្លាប់មនុស្សម្នាក់ និងរបួសធ្ងន់ម្នាក់ ក្នុងភូមិស្វាយខាងជើង ឃុំបាស្រែ ស្រុកអង្គរបុរី ខេត្ដតាកែវ ។
រថយន្ដបង្កត្រូវបានគេស្គាល់ម៉ាកហ៊ីយ៉ាន់ដាយ ពណ៌ត្រេអ៊ី គ្មានស្លាកលេខ។ ជនរងគ្រោះបាត់បង់ជីវិតឈ្មោះ លី សន ភេទប្រុស អាយុ៥០ឆ្នាំ និងអ្នករបួសឈ្មោះ ទែន សំអាត ភេទប្រុស អាយុ៤១ឆ្នាំ អ្នកទាំង២មានទីលំនៅភូមិទួលសាំង“ក” ឃុំ-ស្រុកអង្គរបុរី បានជិះម៉ូតូ១គ្រឿងម៉ាកគុបជ្រុង(៩០) ពណ៌ទឹកប៊ិច ពាក់ស្លាកលេខភ្នំពេញ 1BG-1823 ។
លោក មួល ហួន អធិការស្រុកអង្គរបុរបានឱ្យដឹងថា មុនពេលកើតហេតុរថយន្ដបង្កខាងលើបើកក្នុងទិសដៅពីជើងទៅត្បូងក្នុងល្បឿន ហើយអ្នកបើកបរមានស្ថានភាពស្រវឹង លុះដល់ចំណុចកើតហេតុក៏បានប៉ះដៃចង្កូតម៉ូតូជនរងគ្រោះដែលបើកស្របទិសគ្នាបណ្ដាលឱ្យដួល ធ្វើឱ្យអ្នកជិះខាងក្រោយធ្លាក់ ចូលក្រោយរថយន្ដកិនស្លាប់ភ្លាមៗ និងអ្នកបើកបររងរបួសធ្ងន់ ក្រោយកើតហេតុយន្ដបង្កបានព្យាយាមបើកគេចជិតដល់ទីរួមស្រុក អ្នកបើកបរបានឈប់រថយន្ដរត់គេចខ្លួនបាត់ ដោយទុករថយន្ដចោល ។ ព័ត៌មានលំអិតសូមរង់ចាំអានកាសែត នគរវត្ដ ៕
.jpg)
