លោក​ព្រហ្ម​មរណៈ​នាំ​អំណោយ​ផ្ដល់​ជូន​ក្រុម​យុវជន​ស្ម័គ្រចិត្ដ​សម្ដេច​តេ​ជោ​នៅ​ស្រុក​ថ្មពួក​

ដោយ​ ៖ ទឹកថ្លា ថ្ងៃទី 18 សីហា 2012ម៉ោង 13:49:44

​ខេត្ដបន្ទាយមានជ័យ​ ៖​ នៅ​រសៀល​ថ្ងៃ​ទី​១៨​ ខែសីហា​ ឆ្នាំ​២០១២​ លោក​ ព្រហ្ម​ មរណៈ​ មេបញ្ជាការ​ជើង​គោក​ប្រចាំ​ ទិស​៥​ អមដំណើរ​ដោយ​លោក​ អេ​ង​ ហុង​ នាយ​មណ្ឌល​៥​នៃ​ការិយាល័យ​ទី​២​កងទ័ពជើងគោក​ និង​នាយទាហាន​ ពល​ទា​ ហាន​ជា​ច្រើន​រូប​ទៀត​ បាន​នាំ​យក​អំណោយ​របស់​នាយ​ឧត្ដមសេនីយ៍​ មាស​ សុភាព​ មេបញ្ជាការ​កងទ័ពជើងគោក​ ទៅ​ផ្ដល់​ជូន​ក្រុម​យុវជន​ស្ម័គ្រចិត្ដ​សម្ដេច​តេ​ជោ​ ដែល​កំពុង​បំពេញបេសកកម្ម​វាស់វែង​ដីធ្លី​ជូន​ប្រជាពលរដ្ឋ​នៅ​ភូមិ​ កណ្ដោល​ ឃុំ​គោក​រមៀត​ ស្រុក​ថ្មពួក​ ខេត្ដបន្ទាយមានជ័យ​ ។​

​អំណោយ​ទាំងនោះ​រួម​មាន​ ទឹក​សុទ្ធ​ ទឹកស​ណ្ដែ​ត​២៨​កេស​ ទឹកក្រូច​១៦​កេស​ សាច់ក្រក​១០​គីឡូក្រាម​ មី​១០​កេស​ ស្រា​បៀរ​៥​កេស​ ក្រូចពោធិ៍សាត់​១២​ផ្លូន​ និង​ថវិកា​មួយ​ចំនួន​ ។​

​លោក​ ព្រហ្ម​ មរណៈ​ បានឱ្យ​ដឹង​ថា​ នេះ​ជា​ការ​គិតគូរ​និង​យកចិត្ដទុកដាក់​ពី​សំណាក់​នាយ​ឧត្ដមសេនីយ៍​ មាស​ សុភាព​ ចំពោះ​សុខទុក្ខ​របស់​ក្រុម​យុវជន​ស្ម័គ្រចិត្ដ​សម្ដេច​តេ​ជោ​ដែល​កំពុង​បំពេញភារកិច្ច​យ៉ាង​មមាញឹក​ក្នុង​ការ​ ចុះ​វាស់វែង​ដីធ្លី​ជូន​ប្រជាពលរដ្ឋ​ ដែល​ប្អូនៗ​ខិតខំ​តស៊ូ​គ្រប់​ឧបសគ្គ​ដើម្បី​សម្រេច​បាន​នូវ​គោល​របស់​រាជរដ្ឋាភិបាល​ ក៏​ដូច​ ជា​ជូន​ប្រទេស​ជាតិ​ផង​ដែរ​ ៕