Khmer
English
Chinese
Frence
Vietnamese
Thai
បាញ់មិត្ដភក្ដិឱ្យរបួសគេចខ្លួនមួយរយៈសមត្ថកិច្ចស្រាវជ្រាវចាប់ខ្លួន
ដោយ ៖ ស ដារ៉ា ថ្ងៃទី 18 សីហា 2012ម៉ោង 13:58:33
ភ្នំពេញ ៖ សមត្ថកិច្ចនគរបាលព្រហ្មទណ្ឌកម្រិតធ្ងន់ បានសហការជាមួយនគរបាលខណ្ឌទួលគោកស្រាវជ្រាវឈានរហូត ដល់ឃាត់ខ្លួនជនសង្ស័យម្នាក់ដែលប្រើ ប្រាស់អាវុធខ្លីរបស់ខ្លួនបាញ់ទៅលើមិត្ដភក្ដិ បណ្ដាលឱ្យរបួសនាពេលកន្លងមក ស្ថិតនៅក្នុងសណ្ឋាគារសម្បត្ដិផល ដែលមានទីតាំងស្ថិតក្នុងសង្កាត់ទឹកល្អក់ទី២ ខណ្ឌទួលគោក ។
ការឃាត់ខ្លួនជនសង្ស័យដែលប្រើប្រាស់អាវុធបាញ់ទៅលើមិត្ដភក្ដិរបស់ខ្លួនបណ្ដាលឱ្យរងរបួស ហើយគេចខ្លួនមួយរយៈ ទើបស្រាវជ្រាវចាប់បានខាងលើនេះប្រព្រឹត្ដិ២ឡើងនៅថ្ងៃទី១៧ ខែ សីហា ឆ្នាំ២០១២ វេលាម៉ោង១៦និង៣០នាទី ស្ថិតនៅចំណុចផ្លូវលំ ភូមិព្រៃទា សង្កាត់ចោមចៅ ខណ្ឌពោធិ៍សែនជ័យ។
មន្ដ្រីនគរបាលព្រហ្មទណ្ឌខណ្ឌទួល គោកបានឱ្យដឹងថា ជនសង្ស័យដែលឃាត់ខ្លួនមានឈ្មោះ សាន សុផល ភេទ ប្រុស អាយុ៣២ឆ្នាំ មានមុខរបរមិនពិត ប្រាកដ ស្នាក់នៅផ្ទះលេខ២១៣ ផ្លូវលេខ១៩ សង្កាត់ជ័យជំនះ ខណ្ឌដូនពេញ។ ចំណែកជនរងគ្រោះដែលរងគ្រាប់កាំភ្លើងមាន ឈ្មោះផុន វុទ្ធា ហៅអាជ្រូក ភេទប្រុស អាយុ២៩ឆ្នាំមានមុខរបរជាអ្នករត់ការឯកសារ គយរស់នៅផ្ទះលេខ១២២E2 ផ្លូវលេខ ១០៧ សង្កាត់អូរឫស្សីទី៤ ខណ្ឌ៧មករា រងរបួសមួយគ្រាប់ក្រោមក្លៀកខាងឆ្វេង (បាញ់បញ្ឆិត) ។
មន្ដ្រីនគរបាលព្រហ្មទណ្ឌខណ្ឌទួល គោកបានបញ្ជាក់ថា ករណីដែលផ្ទុះ អាវុធបានកើតឡើងនៅថ្ងៃទី២៩ ខែ កក្កដា ឆ្នាំ២០១២ វេលាម៉ោង០០និង៥០ នាទីរំលងអធ្រាត្រ ស្ថិតនៅក្នុងសណ្ឋាគារ សម្បត្ដិផល បន្ទប់លេខ៥១៦ នៃជាន់ទី៥ ដែលទីតាំងនេះមានដីឡូត៍លេខ១៦ ផ្លូវ លេខ១៥០ ក្រុមទី៦ សង្កាត់ទឹកល្អក់ទី២។
ទាក់ទិននឹងការករណីបាញ់បោះនៅ ក្នុងសណ្ឋាគារសម្បត្ដិផលខាងលើនេះ គេពុំឃើញមានស្រមោលអាជ្ញាធរខណ្ឌ ទួលគោកចុះសួរនាំ ឬផ្អាកអាជីវកម្ម នោះឡើយ បើដឹងថា ករណីនេះមាន មនុស្សរបួសយ៉ាងណាក្ដី ។ គេក៏បាន សង្ស័យផងដែរថា ការដែលមិនចុះធ្វើ ការសួរនាំ និងផ្អាកអាជីវកម្មនោះអាច អាជ្ញាធរខណ្ឌទួលគោកត្រូវរ៉ូវគ្នាជាមួយ ម្ចាស់សណ្ឋាគារខាងលើនេះ តែបើចំ ហាងតូចៗក្បែរចិញ្ចើមផ្លូវវិញ មិនបាន ២០នាទីផង គឺចប់តែម្ដង ៕
.jpg)
.jpg)
