Khmer
English
Chinese
Frence
Vietnamese
Thai
ហៅប្រពន្ធពីផ្ទះឪក្មេកមិនមក ចង.កដើមខ្នុរស្លាប់ក្បែរពាងទឹក
ដោយ ៖ វណ្ណា ថ្ងៃទី 18 សីហា 2012ម៉ោង 15:41:35
ប៉ោយប៉ែត ៖ វាជារឿងហួសចិត្ដមួយនៅពេលដែលយើងបានឮ និងឃើញបុរសអភ័ព្វម្នាក់និងឆោតល្ងង់ ដោយគ្រាន់តែហៅប្រពន្ធពីផ្ទះឪពុកក្មេកមិនមក បែរ ជាយកខ្សែពានចង.កខ្លួនឯងនឹងដើមខ្នុរ ស្លាប់ក្បែរពាងទឹកចំហៀងផ្ទះឪពុកក្មេក កាលពីវេលាម៉ោង៦ស្រាងៗ ថ្ងៃទី១៨ ខែ សីហា ឆ្នាំ២០១២ ស្ថិតនៅចំហៀងផ្ទះ ឪពុកក្មេក ក្រុមទី៦ ភូមិប្រជាធម៌កើត សង្កាត់ផ្សារកណ្ដាល ក្រុងប៉ោយប៉ែត ។
សពជនរងគ្រោះត្រូវបានគេស្គាល់ ឈ្មោះ នង ចិន្ដា អាយុ២២ឆ្នាំ មានមុខ របរជាអ្នកអូសរទេះ នៅក្នុងផ្សាររុងកឿ ប្រទេសថៃ រស់នៅបណ្ដោះអាសន្ន បន្ទប់ ជួលលេខ៩៩៩ ក្រុងប៉ោយប៉ែត ខេត្ដ បន្ទាយមានជ័យ និងប្រពន្ធឈ្មោះញៀន ចាន់រ៉ា អាយុ២១ឆ្នាំ ។
ទាក់ទិនករណីធ្វើអត្ដឃាតចង.ករបស់ យុវជនខាងលើនេះ ត្រូវបានឪពុកក្មេក បញ្ជាក់ឱ្យដឹងថា ដោយសារតែកូនប្រសា និងកូនបង្កើតរបស់គាត់មានទំនាស់ឈ្លោះ ទាស់ទែងគ្នា ពីរឿងរកស៊ីមិនសល់លុយ ហើយថ្លៃជួលផ្ទះក៏ថ្លៃ និងជាពិសេសថ្ងៃ ណាក៏ទាស់គ្នាដែរ ។
មុនឈានដល់ការធ្វើអត្ដឃាតដោយចង.កនេះនៅថ្ងៃទី១៧ ខែសីហា ឆ្នាំ២០១២ រវាងជនរងគ្រោះនឹងប្រពន្ធបាន ឈ្លោះទាស់ទែងគ្នា ហើយប្រពន្ធក៏បាន ទូរស័ព្ទទៅកាន់ឪពុកឱ្យមកយកទៅកាន់ ផ្ទះវិញ ដោយទុកប្ដីឱ្យនៅផ្ទះជួលក្រុងប៉ោយប៉ែតម្នាក់ឯង ។ ខណៈប្រពន្ធចេញ បានមួយសន្ទុះ ជនរងគ្រោះគិតខ្លីរូបនេះ ក៏បានតាមរហូតមកដល់ផ្ទះឪពុកក្មេក ទាំងភ្លៀងរលឹមស្រិចៗ រួចក៏ឆ្លើយឆ្លងគ្នា ពីរបងខាងក្រៅទៅកាន់ប្រពន្ធរបស់ ខ្លួននៅក្នុងផ្ទះឪពុកក្មេក ដោយបញ្ជាក់ថា យើងទាំង២នាក់លេងគ្នាទៅ ។ ពេលនោះ ឪពុកក៏បានឆ្លើយមកកាន់កូនប្រសាវិញ ចាំស្អែកចាំនិយាយគ្នា កូនត្រលប់ទៅផ្ទះ ជួលវិញចោះ ព្រោះចេញមកមិនបាន បិទទ្វារបន្ទប់ឡើយ ។
ប្រភពខាងលើបានឱ្យដឹងទៀតថា មួយសន្ទុះក្រោយមកសំឡេងបានស្ងប់ស្ងាត់ ដោយឪពុកក្មេកនឹកស្មានថាកូនប្រសា របស់ខ្លួនវិលទៅកាន់បន្ទប់ផ្ទះជួលវិញ ក៏ នាំកូនស្រីចូលដេកតែម្ដង ។ លុះព្រឹក ព្រលឹមស្រាងៗថ្ងៃទី១៨ ខែសីហា អ្នក ស្រុកក៏បានហៅឪពុកក្មេករបស់ជនរង គ្រោះនេះ ចេញទៅហូបកាហ្វេ ស្របពេលដែលចុះពីផ្ទះ ក្រឡេកឃើញកូន ប្រសាចង.កនឹងដើមខ្នុរ មិនដឹងស្លាប់ តាំងពីពេលណានោះឡើយ រួចក៏ភ្ញាក់ផ្អើល រាយការណ៍ទៅសមត្ថកិច្ចដើម្បីឱ្យដឹងពី ព័ត៌មាននៃការធ្វើអត្ដឃាតរបស់កូន ប្រសានេះ ។
នៅកន្លែងកើតហេតុទាំងសមត្ថកិច្ច និងប្រជាពលរដ្ឋ ឪពុកក្មេកជនរងគ្រោះ បានពិនិត្យឃើញថា ការធ្វើអត្ដឃាតរបស់យុវជនខាងលើនេះ គេបានយកខ្សែពាននៃម៉ាស៊ីនភ្លើងចងភ្ជាប់ទៅនឹងដើមខ្នុរជិតពាងទឹក រួចឡើងជាន់លើមាត់ពាងទម្លាក់ខ្លួនចុះមកក្រោមស្លាប់តែម្ដង ៕
.jpg)
