Khmer
English
Chinese
Frence
Vietnamese
Thai
ព្រោះចាញ់ល្បែងប្រើល្បិចកុហកឪពុកម្ដាយថាចោរប្លន់ម៉ូតូ
ដោយ ៖ ស.សម ថ្ងៃទី 20 សីហា 2012ម៉ោង 14:31:15
ភ្នំពេញ៖កាលពីព្រឹកថ្ងៃទី២០ខែសីហាឆ្នាំ២០១២យុវជនម្នាក់ព្រោះតែញៀននឹងល្បែងស៊ីសងរហូតហ៊ានកុហកឪពុកម្ដាយថាម៉ូតូរបស់ខ្លួនត្រូវចោរប្លន់យកទៅបាត់លុះព្រឹកឡើងមកដាក់ពាក្យបណ្ដឹងជាមួយនឹងឪពុកនៅប៉ុស្ដិ៍នគរបាលវាលវង់តែក្រោយមកទើបដឹងថាគឺជា ការប្រើល្បិចរបស់យុវជនរូបនេះដែលយកម៉ូតូទៅបញ្ចាំហើយចាញ់ល្បែងអស់លុយ ។ យុវជនដែលប្រើល្បិចខាងលើ មានឈ្មោះ សឹង វុទ្ធី អាយុ ២៧ឆ្នាំ មុខ របរនិស្សិតពេទ្យឆ្នាំទី៦ ស្នាក់នៅផ្ទះ លេខ០៤៣ច ផ្លូវជាតិលេខ៥ សង្កាត់ ឫស្សីកែវ ខណ្ឌឫស្សីកែវ ។
បើតាមសម្ដីរបស់លោក ម៉ុក បូរុណ ឆស័ក្ខ នាយប៉ុស្ដិ៍នគរបាលវាលវង់ ខណ្ឌ ៧មករាបានឱ្យដឹងថា សឹងវុទ្ធីបានប្រើ ល្បិចថាខ្លួនត្រូវក្រុមចោរប្លន់យកម៉ូតូ ហើយបានមកដាក់ពាក្យបណ្ដឹងជាមួយនឹង ឪពុករបស់ខ្លួនថាមានចោរប្លន់យកម៉ូតូ នៅម្ដុំគីរីរម្យ ប៉ុន្ដែដោយសារតែមាន ការសង្ស័យពួកគាត់ក៏បានចុះធ្វើការស្រាវជ្រាវនៅម្ដុំឃ្លាំងរំសេវ (កន្លែងបញ្ចាំ) ទើបដឹងថាយុវជនខាងលើនេះបានយក ម៉ូតូរបស់ខ្លួនទៅដាក់បញ្ចាំចំនួន១.៣០០ ដុល្លារគឺម៉ូតូម៉ាក Honda C125 ពណ៌ ខ្មៅ ស៊េរីឆ្នាំ២០១១ ពាក់ស្លាកលេខភ្នំ ពេញ 1AW-1116 . លោកបានបន្ដទៀតថាបន្ទាប់ពីធ្វើ ការស្រាវជ្រាវទើបដឹងថា យុវជនខាង លើនេះបានយកម៉ូតូខ្លួនឯងទៅដាក់បញ្ចាំ ហើយទើបខ្លួនព្រមសារភាពថា ខ្លួនពិត ជាបានកុហកឪពុកម្ដាយថាមានចោរ ប្លន់ម៉ូតូតែតាមពិតគឺយកម៉ូតូទៅបញ្ចាំ ដើម្បីយកលុយទៅលេងល្បែងស៊ីសងចាញ់អស់ទើបខ្លួនធ្វើបែបនេះ ។
បើតាមសម្ដីរបស់យុវជនខាងលើបានសារភាពនៅប៉ុស្ដិ៍នគរបាលវាលវង់ថា នៅថ្ងៃទី ១៩ សីហា ២០១២ វេលាម៉ោង ៥ល្ងាចខ្លួនបានជិះម៉ូតូយកទៅដាក់បញ្ចាំនៅម្ដុំឃ្លាំងរំសេវក្នុងតម្លៃ១.៣០០ដុល្លារហើយក៏យកលុយនោះទៅលេងល្បែង ចាញ់អស់លុយ លុះមកដល់វេលាម៉ោង ៨យប់ថ្ងៃដដែលខ្លួនបានត្រឡប់ទៅផ្ទះខ្លួនហើយក៏បានប្រាប់ឪពុកម្ដាយថា ម៉ូតូ របស់ខ្លួនត្រូវបានចោរប្លន់យកទៅបាត់ ហើយកាលពីម៉ោង៧យប់ថ្ងៃដែលនោះ ។
លុះមកដល់ព្រឹកថ្ងៃទី២០ ខែសីហា ២០១២ខ្លួនមិននឹកស្មានថាឪពុករបស់ ខ្លួនបាននាំមកដាក់ពាក្យបណ្ដឹងនៅប៉ុស្ដិ៍នគរបាលវាលវង់ដូច្នេះទេ ។ បច្ចុប្បន្នយុវជនខាងត្រូវបាននគរបាលប៉ុស្ដិ៍វាល វង់បញ្ជូនទៅអធិការដ្ឋានគរបាលខណ្ឌ៧មករាដើម្បីធ្វើការសាកសួរបន្ថែម ៕
.jpg)
