Khmer
English
Chinese
Frence
Vietnamese
Thai
សង្សារ១គូសន្លប់ស្ដូកព្រោះបើកម៉ូតូបុកម៉ូតូកង់៣ពេញទំហឹង
ដោយ ៖ ស ដារ៉ា ថ្ងៃទី 18 កញ្ញា 2012ម៉ោង 15:12:09
ភ្នំពេញ ៖ មនុស្សប្រុសស្រី២នាក់ដែលគេដឹងថាជាសង្សារនឹងគ្នា បានសន្លប់ស្ដូកស្ដឹង ខណៈបើកម៉ូតូទៅបុករ៉ឺម៉កម៉ូតូកង់៣យ៉ាងពេញទំហឹង ។ ហេតុការណ៍គ្រោះថ្នាក់ចរាចរខាងលើនេះ បានកើតឡើងកាលពីវេលាម៉ោង២៣និង៤០នាទីយប់ ថ្ងៃទី១៧ ខែកញ្ញា ឆ្នាំ២០១២ នៅត្រង់ចំណុចផ្លូវ លេខ១១៨ កែងផ្លូវព្រះសីសុវត្ថិ ស្ថិតក្នុងសង្កាត់ផ្សារកណ្ដាល១ ខណ្ឌដូនពេញ ។
តាមប្រភពព័ត៌មានពីសមត្ថកិច្ចនគរបាលមូលដ្ឋានប៉ុស្ដិ៍ផ្សារកណ្ដាលទី១ បានឱ្យដឹងថា ភាគីខាងម៉ូតូសេ១២៥ឈ្មោះ គង់ វណ្ណា ភេទប្រុស អាយុ២៤ឆ្នាំ ស្នាក់ នៅភូមិល្វាឯម ស្រុកល្វាឯម ខេត្ដកណ្ដាល រងរបួសបាក់ដៃ និងស្រីស្នេហ៍ដែលជិះពី ក្រោយឈ្មោះ ក្រឹង ស្រីរ័ត្ន អាយុ២២ឆ្នាំ ធ្វើការនៅខារ៉ាអូខេ ម្ដុំបារបារាំងសង្កាត់ ផ្សារថ្មីទី៣ ខណ្ឌដូនពេញ (សន្លប់ស្ដូក ស្ដឹងនៅកន្លែងកើតហេតុ) ។ ចំណែក ខាងរ៉ឺម៉កម៉ូតូកង់៣ អ្នកបើកបរឈ្មោះ ប៊ុន ថៃ ភេទ ប្រុស អាយុ៤១ឆ្នាំ មុខរបរ រត់ម៉ូតូកង់៣ ស្នាក់នៅផ្ទះជួលសង្កាត់ទួលសង្កែ ខណ្ឌឫស្សីកែវ ។
ប្រភពព័ត៌មានដដែលបានឱ្យដឹងថា នៅមុនពេលកើតហេតុគេឃើញបុរស ម្នាក់និងស្រីស្នេហ៍បានជិះម៉ូតូ១គ្រឿង ម៉ាកហុងដាសេ១២៥ បើកបរតាម បណ្ដោយផ្លូវព្រះសីសុវត្ថិ ក្នុងទិសដៅពី ជើងទៅត្បូង ។ ចំណែកភាគីរ៉ឺម៉កម៉ូតូ កង់៣បានធ្វើដំណើរតាមបណ្ដោយផ្លូវព្រះ សីសុវត្ថិដូចគ្នា ក្នុងទិសដៅផ្ទុយគ្នា លុះ មកដល់ចំណុចកើតហេតុខាងលើរ៉ឺម៉កម៉ូតូកង់៣បានបត់ឆ្វេងតាមបណ្ដោយផ្លូវ លេខ១១៨ ស្រាប់តែភាគីខាងម៉ូតូមក បុកចំរ៉ឺម៉កម៉ូតូកង់៣ពេញទំហឹងបណ្ដាល ឱ្យភាគីខាងម៉ូតូដួលទៅលើថ្នល់ សន្លប់ ស្ដូកស្ដឹងទាំង២នាក់តែម្ដង ។
ក្រោយកើតហេតុ ជនរងគ្រោះទាំង ២នាក់ត្រូវបានដឹកតាមរថយន្ដយកទៅ សង្គ្រោះនៅគ្លីនិកឯកជនម្ដុំទួលគោក រីឯម៉ូតូនិងរ៉ឺម៉កម៉ូតូកង់៣ត្រូវបាននគរបាល ចរាចរខណ្ឌដូនពេញយកមករក្សាទុកនៅអធិការដ្ឋាននគរបាលដើម្បីដោះស្រាយតាមផ្លូវច្បាប់នៅពេលក្រោយ ៕
.jpg)
.jpg)
