Khmer
English
Chinese
Frence
Vietnamese
Thai
កម្ពុជាស្ថិតនៅចំណាត់ថ្នាក់ទី៥ក្នុងចំណោមប្រទេសមានកំណើនសេដ្ឋកិច្ចខ្ពស់
ដោយ ៖ មរតក ថ្ងៃទី 24 កញ្ញា 2012ម៉ោង 18:20:30
ភ្នំពេញ ៖ ដោយសារតែកំណើនសេដ្ឋកិច្ចនៅប្រទេសកម្ពុជា បានកើនឡើងជាបន្ដបន្ទាប់ពីមួយឆ្នាំទៅមួយឆ្នាំ ធ្វើឱ្យអត្រានៃភាពក្រីក្របានធ្លាក់ចុះជាលំដាប់ ពោលគឺអត្រានៃភាពក្រីក្របានធ្លាក់ ចុះពី២២.៩ភាគរយក្នុងឆ្នាំ២០០៩ មកនៅត្រឹម២០ភាគរយ នៅឆ្នាំ២០១២ ហើយរំពឹងថាអាចនឹងធ្លាក់ចុះមកនៅ ត្រឹម១៩ ភាគរយ នាឆ្នាំ២០១៣។ ប្រការ នេះបានញ៉ាំងឱ្យកម្ពុជាទទួលបាននូវការ វាយតម្លៃជាប្រទេសស្ថិតក្នុងចំណាត់ ថ្នាក់ទី១៥ដែលទទួលបានកំណើនសេដ្ឋកិច្ចខ្ពស់នៅលើពិភពលោកក្នុងរយៈកាល ១០ឆ្នាំចុងក្រោយនេះ។
យោងតាមសារលិខិតរបស់សម្ដេច អគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ក្នុងឱកាសទិវាសន្ដិភាពអន្ដរជាតិលើកទី ១០ កាលពីថ្ងៃទី២១ ខែកញ្ញា ឆ្នាំ២០១២ បានលើកឡើងថា នៅឆ្នាំ២០១១ ទោះបី ប្រទេសកម្ពុជាមានគ្រោះទឹកជំនន់ក្ដី ក៏សម្រេចបានកំណើនសេដ្ឋកិច្ច៧.១%ដែរ ហើយសម្រាប់ឆ្នាំ២០១២ កំណើនសេដ្ឋ កិច្ចកម្ពុជា នឹងសម្រេចបាន ៦.៩% (ទៅនឹងការគ្រោងទុក ៦.៥%)។ លទ្ធផល នេះ បានមកពីកំណើនដ៏ល្អក្នុងវិស័យ កសិកម្ម ៤.១% វិស័យឧស្សាហកម្ម ៧.៧ % និងវិស័យសេវាកម្ម៥.៤%។ ជាមួយគ្នា នេះដែរផលិតផលក្នុងស្រុកសរុបសម្រាប់ មនុស្សម្នាក់បានកើនឡើងពី៧៦០ ដុល្លារ ក្នុងឆ្នាំ ២០០៨ ដល់ប្រមាណ៩៩០ដុល្លារ ក្នុងឆ្នាំ២០១២ហើយរំពឹងថានឹងអាច កើនឡើង១០៨០ដុល្លារអាមេរិកក្នុង ឆ្នាំ២០១៣។
ក្នុងសារលិខិតដដែលឱ្យដឹងទៀតថា ប្រការនេះបានញ៉ាំងឱ្យកម្ពុជាទទួលបាន នូវការវាយតម្លៃជាប្រទេសស្ថិតក្នុង ចំណាត់ថ្នាក់ទី១៥ ដែលទទួលបានកំណើន សេដ្ឋកិច្ចខ្ពស់នៅលើពិភពលោក ក្នុងរយៈ ពេល១០ឆ្នាំចុងក្រោយ និងជាប្រទេស ស្ថិតក្នុងចំណាត់ថ្នាក់ទី៥ក្នុងចំណោមក្រុម ប្រទេសកំពុងអភិវឌ្ឍន៍ ដែលនឹងអាច សម្រេចបាននូវគោលដៅអភិវឌ្ឍន៍សហស្ស វត្សរ៍ព្រមទាំងជាប្រទេសស្ថិតក្នុងចំណាត់ ទី១ នៅអាស៊ីប៉ាស៊ីហ្វិកដែលសម្រេចបាន នូវវឌ្ឍនភាពល្អប្រសើរក្នុងការកែលម្អ សូចនាករផ្នែកសង្គមកិច្ច។
ដើម្បីអភិវឌ្ឍន៍ប្រទេសឱ្យមានភាព ចិរកាល រាជរដ្ឋាភិបាលបានដាក់ចេញ នូវគោលនយោបាយកែទម្រង់ស៊ីជម្រៅ លើវិស័យជលផល វិស័យដីធ្លី ដែលអាច និយាយមួយបែបទៀតថា ជាការបដិវត្ដ វិស័យជលផល និងដីធ្លី។ ជាក់ស្ដែង រាជ រដ្ឋាភិបាលបានប្រកាសបិទឡូត៍នេសាទ នៅទូទាំងប្រទេសដើម្បីទុកឱកាសឱ្យប្រ ជាជនរកត្រីបង្កើនចំណូលធ្វើឱ្យជីវភាព កាន់តែប្រសើរឡើង។ ជាមួយគ្នានោះ រាជរដ្ឋាភិបាលក៏បានចាត់វិធានការ ពង្រឹងនិងបង្កើនប្រសិទ្ធភាពនៃការគ្រប់ គ្រងសម្បទានដីសេដ្ឋកិច្ច ដោយផ្អាកជា បណ្ដោះអាសន្ននូវការផ្ដល់សម្បទានដី សេដ្ឋកិច្ច ដកហូតដីសម្បទានសេដ្ឋកិច្ច ទាំងឡាយណាដែលបានផ្ដល់ឱ្យក្រុមហ៊ុន ឯកជន ហើយក្រុមហ៊ុនបានធ្វើឱ្យប៉ះពាល់ ដល់ផលប្រយោជន៍របស់ប្រជាជន។
ទន្ទឹមនឹងនេះ រាជរដ្ឋាភិបាលក៏បាន ចាត់ឱ្យយុវជនស្ម័គ្រចិត្ដជាង១ពាន់នាក់ ចុះទៅវាស់វែងដីធ្លី ១.២លានហិកតាជូន ប្រជាជននៅទូទាំងប្រទេសប្រមាណជាង ៣០ម៉ឺនគ្រួសារ ដើម្បីឱ្យប្រជាជនមានលំនឹងនិងមានភាពកក់ក្ដៅមានកម្មសិទ្ធិដីធ្លីដែលខ្លួនកំពុងរស់នៅ និងបង្កបង្កើនផល។
ជាមួយនឹងការរីកចម្រើនខាងវិស័យ សេដ្ឋកិច្ច និងសង្គម ប្រទេសកម្ពុជា ក៏ ទទួលបាននូវការរីកចម្រើនគួរឱ្យកត់ សំគាល់ក្នុងដំណើរការពង្រឹងលទ្ធិប្រជា ធិបតេយ្យផងដែដរ ដែលបានឆ្លុះបញ្ចាំង រឹតតែច្បាស់ថែមទៀត តាមរយៈការបោះ ឆ្នោតកន្លងមក រួមការបោះឆ្នោតតំណាង រាស្ដ្រ៤លើក ការបោះឆ្នោតព្រឹទ្ធសភា២ លើក ការបោះឆ្នោតក្រុមប្រឹក្សាឃុំ-សង្កាត់ ៣លើក ព្រមទាំងការបោះឆ្នោតក្រុមប្រឹក្សា ខេត្ដ-រាជធានី។ ជាមួយគ្នានោះ វិស័យ សិទ្ធិមនុស្ស ក៏ត្រូវបានពង្រឹង និងពង្រីក កាន់តែរីកចម្រើននិងទូលំទូលាយថែមទៀត តាមរយៈសង្គមស៊ីវិលនិងអង្គការមិន មែនរាជរដ្ឋាភិបាល ដែលមានច្រើនរាប់ មិនអស់។ ជាក់ស្ដែង កម្ពុជាបានចូលរួម ក្នុងអនុសញ្ញាអន្ដរជាតិចំនួន១៤ ខាង ផ្នែកសិទ្ធិមនុស្ស ជាពិសេសអនុសញ្ញាស្ដីពីសិទ្ធិកុមារអនុសញ្ញាស្ដីពីការលុបបំបាត់ការរើសអើងចំពោះស្ដ្រី និងអនុសញ្ញាស្ដី ពីសិទ្ធិពលរដ្ឋនិងសិទ្ធិនយោបាយជាដើម។
កំណើនសេដ្ឋកិច្ចនិងការរំពឹងថាអាច នឹងធ្លាក់ចុះអត្រានៃភាពក្រីក្រមកត្រឹម ១៩% នៅឆ្នាំ២០១៣ អ្នកវិភាគសេដ្ឋកិច្ច មួយចំនួនបានទទួលស្គាល់ថា ភាពក្រីក្រ នៅក្នុងប្រទេសកម្ពុជានាប៉ុន្មានឆ្នាំចុង ក្រោយនេះ ពិតជាមានការថយចុះគួរឱ្យ កត់សម្គាល់ប្រាកដមែន ខណៈសេដ្ឋកិច្ច ប្រទេសកម្ពុជា មានការកើនឡើងជាលំ ដាប់បើទោះបីជាកន្លងមកមានវិបត្ដិ សេដ្ឋកិច្ចសកលនិងវិបត្ដិបំណុលនៅ សហភាពអឺរ៉ុបក៏ដោយ។
យោងតាមសារលិខិតរបស់សម្ដេច តេជោ ក៏បានឱ្យដឹងដែរថា រាជរដ្ឋាភិបាល កម្ពុជា បានចូលរួមជាមួយភាគីនៃសន្ធិ សញ្ញា និងពិធីសារអន្ដរជាតិជាច្រើនទៀត រួមទាំងចូលរួមប្រតិបត្ដិការ ដើម្បីស្វែង រកសន្ដិភាពក្រោមក្របខ័ ណ្ឌអង្គការសហ ប្រជាជាតិ ដូចជាបញ្ជូនទៅដោះមីន នៅ ប្រទេសស៊ូដង់ អាហ្វ្រិកកណ្ដាល ឆាត និងលីបង់ ជាដើម ៕
.jpg)
